Repaso ao 2017

O 4 de marzo de 2017 celebrouse entrega dos XV Premios Mestre Mateo, no Palexco da Coruña, congregando a case mil persoas do sector do audiovisual en Galicia. Foi unha gala moi dinámica dirixida por Manuel Cortés e presentada por Iolanda Muiños, que estivo acompañada da grupo de teatro A Panadaría, e dunha banda en directo con Ramón Orencio á fronte.

A película triunfadora da noite foi “María (y los demás)”, dirixida por Nely Reguera e producida por Frida Films, Avalon, , TVG, Movistar Plus e TVE. Foi a producción que máis galardóns obtivo: cinco, entre eles o premio á mellor longametraxe. Tamén a súa protagonista, Bárbara Lennie, obtivo o premio á mellor interpretación feminina. Acadou ademais os premios ao mellor guión, son e música orixinal.

A segunda no palmarés foi a serie “Dalia, a Modista”, de  TVG e CTV, dirixida por Giselle Llanio, que obtivo catro premios: mellor interpretación feminina de reparto (Covadonga Berdiñas), dirección de arte, vestiario e maquillaxe e perruquería.

Tres premios Mestre Mateo obtivo o documental “Esquece Monelos“, da directora Ángeles Huerta con produción de Danga Danga Audiovisuais: mellor documental, dirección de fotografía e montaxe)

O premio ao mellor programa de televisión foi para “Land Rober Tunai Show”. O seu presentador, Roberto Vilar, levou tamén o Mestre Mateo ao mellor comunicador de TV.

No apartado de traballos actorais, ademais do galardón para Bárbara Lennie, Luis Tosar levou o premio ao mellor actor protagonista por “Cen Anos de Perdón”. O Mestre Mateo para a mellor interpretación masculina de reparto foi para Monti Castiñeiras polo seu traballo en “Serramoura”, ademais do mencnionado premio para Covadonga Berdiñas.

Discurso do presidente: igualdade e oportunidades

Na súa intervención, o presidente da AGA, Carlos Ares, fixo un chamamento de atención respecto á situación pola que están pasando cerca do 60% dos actores e actrices galegas, que non poden vivir da súa profesión. «Cómpre tentar mellorar esta situación, cómpre traballar para evitar a precariedade. E isto non é algo que debamos descargar só nas Administracións. É unha situación que debemos tentar reverter entre todos e todas: Administración, profesionais e empresas. Esta Academia quere ser un interlocutor para ese diálogo˝, sinalou.

Tamén fixo especial mención á situación de discriminación das mulleres no sector audiovisual: «Queremos non ter que celebrar que haxa o mesmo número de mulleres directoras que homes. Queremos que non sexa algo excepcional ter historias con mulleres protagonistas, que non sexa algo que resaltar. Esta Academia ten un firme compromiso coa igualdade, como non pode ser doutro xeito. Porque é de xustiza».

O presidente da AGA tamén reclamou «que se desenvolva o Estatuto do traballador e traballadora da arte e da cultura. Un estatuto que poría a profesionais de todos os eidos da cultura á altura de países da contorna».

«Non pedimos privilexios, nin moito menos» dixo para rematar Carlos Ares. «Só pedimos ter dereito ás mesmas prestacións por baixa laboral, enfermidade, maternidade, paternidade, desemprego ou xubilación que o resto de traballadoras e traballadores do país».

Premio de honra á directora artística Marta Villar

Pola súa parte, tras recoller o Premio de Honra “Fernando Rey”, a directora de arte Marta Villar recoñeceu que na súa vida tivo dúas obsesións, «o meu traballo e a miña familia».

A premiada chamou a atención sobre a desigualdade xeográfica do audiovisual galego. Galicia tradicionalmente foi un gran estudio de cinema, de norte a sur e de leste a oeste, tanto para nós como para as producións de fóra. A crise está a relegar este estudio a escasos quilómetros ao redor dunha cidade, 40 minutos de desprazamento desde a oficina de produción, pois dificilmente pódense asumir outros custos na situación actual».

Marta Villar chamou a atención das Aministracións para que «na medida do posible poñan en valor o seu territorio dando facilidades á producción. E reclamo institucións para esta finalidade».

«A nosa diversidade é tan inmensa como singular e por iso universal. Recuperemos a totalidade do noso territorio como estudio de cinema e así enriqueceremos o noso audiovisual ao mesmo tempo que á sociedade galega», dixo antes de rematar cun «moitas grazas, moito traballo e moita igualdade».

O prato forte desta actividade foi o concerto “Bandas sonoras do cinema español: As nosas músicas”, que ateigou o auditorio do Pazo da Cultura de Narón o venres 1 de decembro. Nel a Orquestra Sinfónica de Galicia interpretou algunha das principais partituras para cine e televisión escritas en Galicia durante os últimos anos de compositores como Xavi Font (“Vidago Palace”), Manuel Riveiro (“O final do camiño”), Arturo Kress (“O bosque animado”) ou o propio Nani García (“Engurras”). Os 4 autores estiveron presentes neste concerto, que estivo precedido dun café-coloquio no que puideron compartir impresións.

O concerto e a semana dedicáronlle este ano una especial atención á figura de Fernando Velázquez, autor referencial no ámbito estatal, que dirixiu este concerto de Narón incluíndo algunhas das súas obras no programa. O compositor participou de forma moi activa durante a semana, levando a cabo a gravación, aberta aos académicos e profesionais, da banda sonora da película “Los futbolísimos” coa Orquestra Sinfónica de Galicia no Pazo da Ópera da Coruña, xunto ao enxeñeiro de son Marc Blanes, e coa presenza do director do filme, Miguel Ángel Lamata. Tamén mantivo un encontro aberto ao público do mundo da música de cine.

Compositor de música de concerto, cinema e televisión,  o primeiro traballo de Fernando Velázquez con gran repercusión foi a banda sonora de “El Orfanato”. Entre as súas partituras para cine podemos destacar “Mamá”, “Crimson Peak”, “Lo Imposible”, “Hércules”, “Ocho apellidos vascos”, así como numerosas películas independentes, como “Babycall”, “El guardián invisible”, “Gernika”, “Zipi y Zape y el club de la canica” ou “Los ojos de Julia”. A súa partitura de “Un monstruo viene a verme” fíxolle recibir os premios Goya, Feroz e a Medalla do Círculo de Escritores Cinematográficos en 2017. Tamén foi nomeado como compositor do ano 2016 pola Asociación de Críticos Internacionais de Música de Cinema.

A outra pata fundamental da Semana das Músicas do Audiovisual foron os obradoiros e masterclasses para profesionais ou especialistas da música, impartidos ao longo de toda a semana na Coruña (Fundación Paideia) e en Santiago (Fundación SGAE).

Luis Ivars impartiu unha masterclass sobre os dereitos de autor nas músicas do audiovisual, de especial interese para produtores e directores, ademais de para músicos. Nela analizouse quen, como e onde se defende o valor intelectual e económico da obra audiovisual, e tamén se botou un ollo aos novos cambios na lei de propiedade intelectual a nivel europeo e as modificacións derivadas dos novos dereitos que emanan do uso da web, entre outras cousas.

Vanessa Garde ofreceu unha clase sobre “Tecnoloxía e creatividade na produción musical”, na que se deu un repaso ao uso da tecnoloxía e da innovación nos sistemas de composición de músicas para o audiovisual, desde os máis simples aos máis complexos, para impulsar a creatividade na produción musical.

A organización desta edición da SEMUA contou co patrocinio da Concellaría de Culturas da Coruña, da Deputación da Coruña, da Fundación Paideia e de Cafés Candelas.

O Paraninfo da Universidade da Coruña acolleu o pasado 9 de novembro o encontro “Novos modelos profesionais para o audiovisual”, no que creativos do sector, xunto con empresas produtoras, axencias de publicidade e marcas, afondaron nas distintas posibilidades de traballo que os novos medios están traendo para a industria audiovisual, máis alá dos soportes tradicionais do cine e a televisión.

O concelleiro de Culturas, José Manuel Sande, abriu esta xornada que organiza a súa concellaría a través do recén creado Laboratorio Audiovisual de Innovación e Creación (LAIC), dentro do programa Coruña Dixital, en cuxa organización colaborou tamén a Academia Galega do Audiovisual. O obxectivo do Encontro era coñecer de cerca o novo escenario no que moitos profesionais están empezando a traballar, que é a produción audiovisual deseñada para a difusión en internet, con fins promocionais ou comerciais, e moitas veces encargada directamente polas propias marcas.

A sesión matinal dividiuse en dous paneis. O primeiro, co título “A quen lle vendo o meu traballo? Novos formatos, novos clientes, novos mercados”, reuniu a creadoras, realizadores e produtores audiovisuais como Álvaro P. Becerra (Ainé Producións), Isabel Vila, creadora gráfica e animadora, JS Raimundi (Ziwa Estudio Audiovisual) e Adolfo Ponte Velasco (Milana Bonita Producciones), nunha mesa moderada polo presidente da Academia, o guionista Carlos Ares.

Vídeo íntegro do panel:

A continuación, no panel “Máis alá do spot: o vídeo na publicidade dixital. Formatos e soportes” foron as marcas e as axencias de marketing online as que tomaron a palabra para dar a visión desde o outro lado deste ecosistema, o que xera a demanda de creación de vídeo en internet. Falaron Gabriel Barrós, director de comunicación do RC Deportivo da Coruña, David Fernández, brand manager de Cabreiroá, e Fátima Carmena, directora de proxectos de Nasas, axencia creativa de marketing online.

Vídeo íntegro do panel:

A xornada continuou pola tarde cunha sesión de speed-dating na que 10 creadores e 10 empresas puideron conversar durante 10 minutos para coñecerse, ofrecer servizos e explicar as súas necesidades. E pechouse cun coloquio sobre as condicións profesionais deste sector emerxente, no que se identificaron e propuxeron boas prácticas a seguir por clientes, axencias, produtoras, e profesionais asalariados e autónomos.

A Academia Galega do Audiovisual entregou o pasado 7 de xuño na Deputación da Coruña os primeiros premios María Luz Morales, que promoven a investigación científica no ámbito audiovisual, destacando cun galardón e 1.200 euros  dous videoensaios e dous ensaios escritos asinados por cinco novísimos investigadores galegos, nunha iniciativa pioneira que contou coa participación das catro deputacións.

O coruñés Cibrán Tenreiro gañou o Premio ao mellor Ensaio Escrito Galego con “Equilibrios precarios. Unha aproximación aos vídeos dunha escena underground galega”, que foi o mellor valorado, en palabras do xurado, «polo enfoque novidoso dun tema pouco coñecido e polo rigor no tratamento». O xurado considerou merecedor dun accésit o ensaio escrito por Brais Romero “O galego no cinema galego”, que remarca a importancia e a responsabilidade institucional a respecto de afondar sobre o uso do galego nas producións cinematográficas.

A lucense Noelia Álvarez e a ourensá Nazaré Estévez recolleron o Premio ao mellor Ensaio Escrito Internacional con “Análise da representación da muller no cinema español da última década”, que ven cubrir a necesidade dun discurso de xénero na análise do tratamento da muller no cinema español.

O ferrolán Brais Romero tamén gañou o Premio ao mellor Vídeo Ensaio Galego con “Films From Galicia?”, que ofrece unha visión crítica e combativa na marxinación do idioma galego na produción audiovisual do noso país e do que o xurado destacou «a calidade na realización do videoensaio, cun tratamento sonoro moi expresivo».

A vilalbesa Denisse Lozano gañou o Premio ao mellor Vídeo Ensaio Internacional con “A cámara perseguidora. Orixe e intención dos planos de seguimento”, que analiza un elemento estilístico e a súa relación co cine de intención social.

O acto de entrega contou coa participación de Margarita Ledo, en representación do xurado, do que tamén forman parte o xornalista Ángel Suanzes e mais o guionista e crítico de cine Daniel Domínguez; Carlos Ares, María Yáñez e Manolo González, en representación da Academia Galega do Audiovisual; Goretti Sanmartín, vicepresidenta da Deputación da Coruña; Pilar García Porto, deputada de Cultura da Deputación de Lugo; Manuel Doval, deputado de Cultura da Deputación de Ourense; Xosé Leal, deputado de Cultura da Deputación de Pontevedra; e José Manuel Sande, concelleiro de Culturas do Concello da Coruña.

Os premios María Luz Morales pretenden avivar o interese polos estudos sobre o audiovisual, ofrecendo ás persoas estudosas e investigadoras a posibilidade de facer os seus traballos tanto en formato audiovisual como escrito. Nesta primeira edición recibíronse 21 propostas coas temáticas e estilos máis diversos. Segundo asegurou Margarita Ledo no acto de entrega, o xurado valorou criterios como a existencia dunha voz propia e a actitude crítica, a independencia profesional, a perspectiva de xénero e a consciencia de pertenza a un determinado país, inspirados pola propia figura de María Luz Morales, unha xornalista galega que foi pioneira no Estado, ao converterse na primeira directora dun xornal diario, e que exerceu como crítica, investigadora e colaboradora de producións audiovisuais. Morales foi tamén un referente na defensa dos dereitos das mulleres e no galeguismo, represaliada e apartada da profesión durante o franquismo.

A segunda edición destes premios xa está en marcha, coa convocatoria aberta e as bases publicadas. Os traballos pódense enviar ata o 7 de maio, seguindo as instrucións na web da Academia.  O acto de entrega farase en xuño de 2018, coa Deputación de Lugo como anfitrioa.

A continuación publicamos os traballos gañadores, xunto co accésit, que non tivo premio pero si proposta de publicación por parte do xurado.

Renovación da xunta directiva

Na asamblea ordinaria e electoral celebrada o venres 16 de xuño saíu elixida por aclamación a xunta directiva que rexerá a vida da Academia os vindeiros dous anos. Repite o equipo directivo que está presidido por Carlos Ares, sendo vicepresidentes Tamara Canosa e Nani García, e acompañados por Antonio Durán “Morris”, Manolo González, Luisa Romeo e María Vázquez, coas novas incorporacións de Ana Míguez, Olga Osorio e Susana Veira.

Base de datos do sector

A Academia continúa a traballa na Base de datos do sector audiovisual galego, un ambicioso proxecto destinado á consulta aberta de datos relativos a obras, intérpretes, produtoras, directores, equipas técnicas da historia recente do cine e da televisión en Galicia. Prevese a súa publicación para o primeiro semestre do 2018.

Encontros Mestre Mateo

Nas semanas previas á gala dos Premios Mestre Mateo leváronse a cabo estes encontros, onde os finalistas en distintas categorías de producións e profesionais desta XV edición visitaron as escolas de audiovisual de Galicia para un coloquio cos futuros profesionais do sector. Desde hai sete anos os Encontros veñen sendo das actividades máis exitosas e demandadas polas escolas, ao ofrecer aos estudantes a posibilidade de coñecer de primeira man a realidade da profesión a través da conversa cos candidatos.

Comparecencia no Congreso

O presidente da Academia, Carlos Ares participou o 6 de outubro na rolda de comparecencias de creadores ante Subcomisión da Elaboración do Estatuto do Traballador da Cultura no Congreso dos Deputados. Aquí pódese ver o texto íntegro da súa comparecencia.

Premios Gaudí

O Salón Teatro de Compostela acolleu no mes de outubro as proxeccións das películas gañadoras na pasada edición dos Premios Gaudí, entre as que se atopan “Un monstruo viene a verme”, de J. A. Bayona, que acadou oito galardóns, e “La propera pell” (A próxima pel), que conseguiu o de mellor película, mellor guión e mellor protagonista feminina para Emma Suárez. O ciclo estivo organizado pola Academia Galega do Audiovisual, en colaboración coa Acadèmia del Cinema Català e co Centro Dramático Galego.

Novo acordo de colaboración co Concello da Coruña

O Concello da Coruña destinou unha nova partida 75.000 euros para promocionar o cine na cidade a través da Academia Galega do Audiovisual, coa que asinou un acordo de colaboración para levar a cabo un programa de apoio para cineastas e para a industria audiovisual en xeral. O plan pretende contribuír á difusión de producións locais, ademais de axudar aos organizadores de festivais e ao desenvolvemento de proxectos, co obxectivo de contribuír a dar visibilidade ao audiovisual da Coruña e do resto de Galicia.

Un día de cine

A Deputación da Coruña entregou un recoñecemento ás boas prácticas en educación e cultura inclusiva do proxecto Un día de cine, promovido pola a Asociación Proxecto Máscaras, e esta decidiu compartir o premio coas entidades que axudaron a levalo a cabo. Entre elas, a Academia Galega do Audiovisual, que recolleu o seu anaquiño do galardón xunto coa Fundación e a empresa Emalcsa, o Museo de Ciencia e Tecnoloxía de A Coruña (Muncyt), o Colexio Plurilingüe Calasancias e o Club do Ocio Finisterre.  Este recoñecemento quere salientar o papel das institucións e das persoas que coa súa colaboración fomentan a acción voluntaria e a implicación, prototipando novas realidades baseadas na inclusión e na igualdade para a evolución da sociedade.

Festival de Cans

• PREMIO DE HONRA PEDIGREE’17. Miguel de Lira.
• PREMIO DO XURADO Á MELLOR CURTAMETRAXE DE IMAXE REAL. AAVA, de Andrea Zapata-Girau.
• PREMIO DO XURADO Á MELLOR CURTAMETRAXE DE ANIMACIÓN. “Decorado”, de Alberto Vázquez. Mención especial do xurado:  “Lago Sabroso”, de Borja Santomé.
• PREMIO DO PÚBLICO Á MELLOR CURTAMETRAXE. “Einstein-Rosen”, de Olga Osorio.
• PREMIO ESPECIAL DO XURADO DOS VECIÑOS Á MELLOR CURTAMETRAXE. “Volant”, de Raquel Pérez.
• PREMIO AISGE DO XURADO Á MELLOR INTERPRETACIÓN FEMININA. Arantxa Aranguren por “La Madrina”.
• PREMIO AISGE DO XURADO Á MELLOR INTERPRETACIÓN MASCULINA. Ricardo de Barreiro e Xulio Abonjo (ex aequo) por “Einstein-Rosen”.
• PREMIO CREA DO XURADO Á MELLOR DIRECCIÓN. Andrea Zapata-Girau por “AAVA”.
• PREMIO AGAG DO XURADO AO MELLOR GUIÓN. “Einstein-Rosen”, de Olga Osorio.
• PREMIO DO XURADO Á MELLOR BANDA SONORA ORIXINAL. Manuel Riveiro por “The Magic Oven”.
• PREMIO GIA INMOBILIARIA DO XURADO AO MELLOR VIDEOCLIP. “Mi Re La”, de Oh! Ayatollah, realizado por Xaime e Antón Miranda.
• PREMIO DO PÚBLICO AO MELLOR VIDEOCLIP. “Restos de un naufragio”, de Igloo, realizado por Fran X. Rodríguez.

Play-Doc (Tui)

• PREMIO PLAY-DOC 2017. “Ama-San”, de Cláudia Vairejão (Portugal).

Novos Cinemas (Pontevedra)

• PREMIO NOVOS CINEMAS MARQUÉS DE VIZHOJA Á MELLOR LONGAMETRAXE. “Le Parc”, de Damien Manivel. Mención a “I Tempi Felici Verranno Presto”, de Alessandro Comodin
• PREMIO XURADO NOVO CAFÉ SABORA. “Occidental”, de Neïl Beloufa
• PREMIO DO PÚBLICO ‘CINEMAS DE GALICIA’. “Estiu 1993” de Carla Simón

Carballo Interplay

• MELLOR WEBSERIE DE IMAXE REAL. “A todo riesgo”. Mención especial do xurado para “Te quiero, yo tampoco”.
• MELLOR WEBSERIE DE ANIMACIÓN. “Pesame Street”.
• MELLOR WEBSERIE INTERNACIONAL. “You’re next” (Israel). Mención especial do xurado para “Si me volviera a enamorar” (Arxentina).
• MELLOR WEBSERIE EN VERSIÓN ORIXINAL EN GALEGO. “Teño unha horta en San Sadurniño”.
• PREMIO ‘CREA’ Á MELLOR DIRECCIÓN. Álex Rodrigo, por “El Partido 2”.
• PREMIO ‘AGAG’ AO MELLOR GUIÓN. Hilario Abad e José Luis Bustillo, por “Caniville”.
• PREMIO Á MELLOR ACTRIZ. Teresa Cuesta, por “El show de Teresa Cuesta”.
• PREMIO AO MELLOR ACTOR. Miguel Lago Casal, por “A todo riesgo”.
• PREMIO DO PÚBLICO. “Pésame Street”.
• PREMIO AO MELLOR PROXECTO DE WEBSERIE EN GALEGO. “Hai vida en Bran?”.

Curtocircuito (Santiago de Compostela)

• PREMIO RADAR. “Find, Fix, Finish” de Mila Zhluktenko e Sylvain Cruiziat (Alemaña). Mención especial: “Les Iles” de Yann Gonzalez (Francia).
• PREMIO EXPLORA. “Y Berá. aguas de luz” de Sarah Jessica Rinland (Arxentina). Dúas mencións especiais: “On generation and corruption” de Takashi Makino (Xapón) e “I don´t think I can see an island” de Christopher Becks e Emmanuel Lefrant (Francia).
• PREMIO GALIZA. “Aysha” de Fon Cortizo.
• PREMIO PENÍNSULAS RC SERVICE. “Contact” de Alessandro Novelli.
• PREMIO XURADO CREA. “La mujer invisible de Noemí Chantada  (Galicia).
• PREMIO XURADO AGAG. “Aysha” de Fon Cortizo (Galicia). Mención especial: “La mujer invisible” de Noemí Chantada (Galicia).
• PREMIO XURADO CAMIRA. “Flores” de Jorge Jácome (Portugal). Mención especial: “Indefinite pitch” de James Kienitz Wilkins (Estados Unidos).
• XURADO NOVO. “Nyo Vweta Nafta” de Ico Costa (Mozambique, Portugal). Mencións especiais: “Rapa das bestas” de Jaione Camborda (Galicia) e “Farpões Baldios” de Marta Mateus (Portugal).
• PREMIO DO PÚBLICO. “La mujer invisible” de Noemí Chantada  (Galicia).
• PREMIO CRIATURAS. “Big Boom” de Marat Narimanov (Rusia).
• OUTRA COMPOSTELA. “Tapias” de Sergio Rois Roo, Carlos Iglesias Losada, Paula González Álvarez, Javier Blanco Armada e Javier González Sobrado.

Primavera do cine

• PREMIO DO PÚBLICO Á MELLOR LONGA GALEGA. “O tempo futuro”, de Xoán Escudero
• PREMIO DO XURADO Á MELLOR LONGA GALEGA. “Os días afogados”, de César Souto e Luis Avilés
• PREMIO DO XURADO Á MELLOR LONGA LUSÓFONA. “Mataram nossos filhos”, de Susanna Lira
• PREMIO DO PÚBLICO Á MELLOR LONGA LUSÓFONA: “Viagem a Portugal”, de Sérgio Tréfaut
• MELLOR CURTA GALEGA. “Einstein-Rosen”, de Olga Osorio
• MELLOR CURTA DE ANIMACIÓN. “Decorado”, de Alberto Vázquez
• MELLOR CURTA LUSÓFONA. “A instalação do medo”, de Ricardo Leite
• MELLOR VIDEOCLIP. “Bang Bang” de Alberto Lora

Semana de Cine de Autor de Lugo

• PREMIO DO PÚBLICO Á MELLOR PELÍCULA DA SECCIÓN OFICIAL. “Bajo la rosa”, de Josué Ramos
• PREMIO DO XURADO Á MELLOR PELÍCULA DOCUMENTAL. “Lordemani”, de Pedro Revaldería
• PREMIO DO XURADO Á MELLOR PELÍCULA GALEGA. “Esquece Monelos”, de Ángeles Huerta
• PREMIO DO XURADO Á MELLOR CURTAMETRAXE GALEGA. “Einstein-Rosen”, de Olga Osorio
• PREMIO DO PÚBLICO Á MELLOR CURTAMETRAXE. “Campeón”, de Hugo de la Riva.

MICE – Mostra de Cinema Etnográfico

• PREMIO DO XURADO. “L’eau sacrée”, de Olivier Jourdain (Bélxica)
• PREMIO DO PÚBLICO. “L’eau sacrée2, de Olivier Jourdain (Bélxica)
• MELLOR PELÍCULA GALEGA. “Esquece Monelos”, de Ángeles Huerta

Animacam

• MELLOR CURTAMETRAXE DE ANIMACIÓN. “Roller Monster”, de Manu Gómez (Bélxica)
• PREMIO DO PÚBLICO. “The Mechanical Waltz”, de Julien Dykmans (Bélxica)

Mostra de Curtas de Noia

• PREMIO MELLOR CURTAMETRAXE. Ex aequo para Rodrigo Sorogoyen por “Madre” e Pablo Muñoz Gómez por “Kapitalistis”
• PREMIO MELLOR CURTAMETRAXE DE ANIMACIÓN. Diego Porral Soldevilla por “Un día en el parque “
• PREMIO ‘XOSÉ OLVEIRA PICO’ AO MELLOR ACTOR. Alfonso Lara por “Los hombres de verdad no lloran”
• PREMIO MELLOR ACTRIZ. Nathalie Poza por “Australia”
• PREMIO MELLOR DIRECCIÓN. Rodrigo Sorogoyen por “Madre”
• PREMIO MELLOR GUIÓN. Julian Merino por “The App”
• PREMIO ‘CAFÉ BAR BABILONIA’ Á MELLOR BANDA SONORA. Héctor Pérez por “La Dama de Sal”
• PREMIO CURTA CORUÑA AMATEUR. Javier Rodríguez e Luis P.Martínez por “Tr3s”
• PREMIO ESPECIAL DO PÚBLICO. Victor E.D. Somoza por “Ni una sóla línea”
• PREMIO DE HONRA DA MOSTRA. María Bouzas

FKM: Festival de cine fantástico da Coruña

• CONCURSO INTERNACIONAL DE LONGAMETRAXES ÓPERA PRIMA FKM 2017. PREMIO DO XURADO: “Sweet Virginia”, de Jamie Dagg. PREMIO DO PÚBLICO: “Ícaros: a Visión”, de Leonor Carballo e Matteo Norzi
• CONCURSO INTERNACIONAL DE CURTAMETRAXES FKM 2017. PREMIO DO XURADO: “Fucking Bunnies”, de Saatanan Kanit. PREMIO DO PÚBLICO: “Rip”, de Albert Pintó e Cage Casas
• CONCURSO INTERNACIONAL DE GUIÓNS DE CURTAMETRAXES FKM 2017. Premio compartido: “Amor Infinito”, de Sergio Trillo Rama e “Perdidas”, de Carlota Dans e Nico Frasquet
• CONCURSO INTERNACIONAL DE CURTAMETRAXES “CINEMA FETUS” DEDICADO A CURTAS EXPERIMENTAIS DE BAIXO ORZAMENTO. Premio: “Radio Deskontrol”, de Diego López Curros
• MELLOR GUIÓN. “Woman Who Kill”, de Ingrid Jungermann
• MELLOR BANDA SONORA. “Woman Who Kill”, de Ingrid Jungermann
• MELLORES EFECTOS ESPECIAIS. “Housewife”, de Can Evrenol
• MELLOR CARTEL. “Woman Who Kill” de Ingrid Jungermann

FIC BUEU

• ÁNFORA DE OURO. “Fox”, de Jacqueline Lentzou (Grecia)
• ÁNFORA DE PRATA. “Ruah”, de Flurin Giger (Suíza)
• PREMIO DO PÚBLICO: “Timecode”, de Juanjo Giménez (España)
• MELLOR CURTAMETRAXE GALEGA: “Néboa”, de Claudia Costafreda
• MELLOR CURTAMETRAXE ESPAÑOLA: “La disco resplandece”, de Chema García Ibarra
• MELLOR DIRECCIÓN: Luz Olivares por “Wald der echos” (Austria)
• MELLOR GUIÓN: Alberto Taibo por “Leni K.” (España)
• MELLOR ACTRIZ: Nina Mazodier por “Un grand silence” (Francia/Bélxica)
• MENCIÓN MELLOR ACTRIZ: Lila Gueneau por “Cléo” (Francia)
• MELLOR ACTOR: Amjad Prawej por “Disco Obu” (India/Singapur/USA)
• MENCIÓN MELLOR ACTOR: Tin Vulovic por “Srečno, Orlo!” (Eslovenia/Austria/Croacia)
• MELLOR FOTOGRAFÍA: “La plage” (Francia)
• MELLOR DIRECCIÓN ARTÍSTICA: “Irregulars” (Italia)
• MELLOR VESTIARIO: “Dadyaa” (Nepal/Francia)
• MELLOR MAQUILLAXE/PEITEADO: “Ses souffles” (Francia)
• MELLOR SON: ‘Valparaiso” (Italia)
• MELLOR MONTAXE: “Samedi” (Francia)
• MELLOR MÚSICA: “Bier & Calippo” (Austria)

Festival Curtas de Vilagarcía

Curtametraxes:

• MELLOR CURTA DE ANIMACIÓN. “In A Heartbeat”, de Beth David e Esteban Bravo (USA)
• MELLOR CURTA GALEGA. “O Rebelde”, de Oscar Doviso
• MELLOR CURTA INTERNACIONAL. “Le Mécène”, de Lionel Auguste (Francia)
• MELLOR DIRECTORA GALEGA. Noelia Muíño por “El Visitante”

Longametraxes:

• MELLOR PELÍCULA. “A Mãe É Que Sabe”, de Nuno Rocha (Portugal)
• MELLOR DIRECTOR. Nuno Rocha por “A Mãe É Que Sabe” (Portugal)
• MELLOR GUIÓN. Alberto Utrera, Sergio Granda e Carlos Soria por “Smoking Club” (España)
• MELLOR INTERPRETACIÓN. Rodrigo Poison por “Smoking Club” (España)
• PREMIO ESPECIAL DO XURADO. “Marisa En Los Bosques”, de Antonio Morales (España)
• PREMIO DO PÚBLICO. “Smoking Club”, de Alberto Utrera (España)

FanCine de Lemos

• PREMIO DO XURADO. “iMedium”, de Alfonso García
• MENCIÓN ESPECIAL DO XURADO. “El sueño espacial”, de Ignacio Malagón, e “Cavalls Morts”, de Marc Riba e Anna Solanas.
• PREMIO DO PÚBLICO. “The app”, de Julián Merino
• PREMIO ALGUEIRA Á MELLOR CURTA GALEGA. “Einstein-Rosen” de Olga Osorio

Redondela en Curto

• PREMIO DO XURADO. “Baraka”, de Néstor Ruiz Medina.
• PREMIO DO PÚBLICO. “17 años juntos”, de Javier Fesser.
• PREMIO DO PÚBLICO SECCIÓN ‘ANDAINA’. “Ni dos ni cuatro”, de Sergi González.
• PREMIO DEL PÚBLICO SECCIÓN ‘CINE GALEGO’. “Superpunky ”, de Pablo Cacheda de Paz.
• PREMIO DEL PÚBLICO SECCIÓN ‘CURTÍSIMAS’. ”Estribillo”, de César Tormo.